خطوات الاستشوار :-
1-ضروري قبل ماتستشورين تعملين حمام زيت لشعرك او تحطين ماسك ليش؟ علشان يبان صحي اكثر
ويعطيه شكل اجمل وانعم ..
2-وضع كريم للشعرخاص للسشوار انا استعمل كريم ينباع عند نكتار "45 ريال"
فوائدة :
يحمي الشعر من السشوار ،،،ويعطي نعومه ولمعه ماتحطي كثير بس نقطه على شعر ك وهو مبلول.
3- ضروري يكون سشوارك قوة الفولت 3000 علشان يعطيكِ الفورمة المطلوبه .
4- اولاً: يكون الشعر نظيف ومبلول مو ينقط يعني بلل خفيف "واحذري السشوار والشعر جاف علشان ماينحرق ،واحذري تحطي دهن علشان مايبان كانك مزيته شعرك"
ثانياً"قسمي شعرك كيف؟
القصه ثلاثه اقسام والشعر من الخلف سته او اكثر على حسب حجم وطول الشعر...كل قسم تلفيه بالمسكات الكلبسات.
5- تبدئين من اخر الشعر يعني من جهه الرقبه .
6- اضبطي هواء السشوار بحيث يكون بمواجهه بطنك "ضروري مراعاه شكل فرش السشوار واختيار الفرشه المناسبه
لطول الشعر يعني الكبيره للشعر الكثيف والطويل والمتوسطه لشعر المتوسط والصغيره للشعر القصير وفي اصفر حجم هذي تستخدم لعمل الفلو للشعر
اي التمكير الصغير على اطراف الشعر."
7- الفرشه راح تكون بااسفل الشعر والسشوار فوق ونبدا من جذور الشعر نعمل ضرب خفيف وسريع بالهواء على اطراف الشعر ضربتين من كل جهه
وبعدين نبدا بسحب الهواء على كامل الشعر ..
8- يحب مسكت السشوار من الوسط علشان تتحكمين بالضرب .المهم راحتك اول شيء راح تكون صعبه عليك بس وقت تتعودين راح تكون سهله.
9-بعدين نخلي الهواء على اطراف الشعر واذا حابين نعمل مكر لتحت الفرشه حتكون بالاسفل والسشوار فوق...وتمكير الشعر لفوق راح يكون الفرشه فوق ويلف الشعر عليها ...
والسشوار تحت.
10- عند لف اطراف الشعر بالسشوار يجب تركيز السشوار على الفرشه لفتره بسيطه بعدين نبعده ونرجع مره اخرى بالتركيز الا ان يقوم بلف الشعر.وتعملين نفس الطريقه على جميع الاقسم
11- القصه سشوارها غير.... القسم الي بالوسط ممكن تخلي شكله خطير عن طريق تقسيمها ثلاث اقسام كيف؟
انتي الحين من الخلف تشتغلين اذا راح تقسمين القصه ثلاث على شكل مثلث يعني ببطريقه مائله وتبدي تسشوريها من جهه
الجبهه الى الخلف وبعدين تخلين الفرشه من تحت الشعر وتلفينها وتخلي السشوار عليها لفتره بسيطه وترفعين وتتكررين العمليه بعدها خلي السشوار بعيد وانفخي عليها بشويه هواء هههه علشان يبرد الشعر ويثبت اللف
للتثبت لف القصه مكريها بعد السشوار لتحت كيف؟؟ يعني الشعر فوق والمكر لتحت ثلاث للي في الوسط واربع للجهتين او على حسب حجم وطول الشعر.
11- ممكن بعد السشوار اذا حابه تثبتي اللف على الشعر تمكري كل خصله بشوي رغوه وعلى يدك لفوق او تحت على حسب رغبتك وتثبتيها بالفرتكه "البنس".
الإثنين مارس 21, 2011 10:56 am